英媒曝曼城將與拜仁爭萊斯,願提供20萬週薪

足球轉會消息 於 11/11/2014 發表 收藏文章
據英國媒體《郵報》透露指,曼城宜家準備正式同拜仁競爭萊斯,並且仲透露,藍月亮已經為佢準備左一份週薪20萬英鎊嘅合同。
有關於萊斯可能離開嘅消息,早就係各大媒體炒作嘅焦點話題,而佢嘅追逐者中,尤其以拜仁最為積極。路明尼加係多個場合公開拜仁對萊斯有強烈興趣,並且多蒙特之前嘅兩名悍將葛斯同利雲度夫斯基都先後俾拜仁挖走,兩間球會嘅關係都因為咁樣而變得異常緊張。
《郵報》指,萊斯離開係必然嘅,雖然多蒙特目前對外堅決唔放走佢,但由多蒙特目前嘅戰績同前景黎睇,萊斯會走嘅機會好大。另外,萊斯同多蒙特嘅合同存在買斷條款,據悉價格為2500萬歐元呢個數字對於拜仁黎講根本唔成問題。
追逐萊斯嘅當然唔只拜仁,曼城都正式加入了呢個行列。《郵報》透露,曼城有力嘅武器有2個,第一個係拜仁同多蒙特嘅緊張關係有可能導致大黃蜂更傾向於將萊斯賣俾自己,其次就係曼城可以為萊斯開出高昂嘅薪水,預計週薪達到20萬英鎊,呢個價格對於任何球員黎講都係難以拒絕,曼城希望呢兩個條件可以促成萊斯嘅轉會。

留言


請按此登錄後留言。未成為會員? 立即註冊
    快捷鍵:←
    快捷鍵:→