車路士願高價撬碧基，Shakira：希望佢去倫敦踢波 精選

呢段時間，隨著佢係球隊地位降低，關於巴塞後衛碧基嘅未來傳聞開始係媒體版面上多左起黎。而係呢啲傳聞中眾多球會中，以車路士同曼聯傳得最熱，紅同藍之間到底選擇邊個？《每日體育報》就透露左一個令人意外嘅消息：碧基嘅未來極有可能會俾佢女友Shakira決定，而佢嘅意思就係俾碧基去倫敦踢波。
目前碧基係巴塞經歷緊自己職業生涯最糟糕嘅階段，本來就唔受安歷基重用嘅佢，又因為自己之前係替補席上玩手機嘅行為令主帥更嬲，呢幾場嘅替補待遇似乎就係教練組懲罰碧基嘅行動。由於佢係場外過於高調嘅私生活作風，碧基經常成為教練中嘅「眼中釘」，加上佢近年係球場上嘅表現愈來愈差，因此佢成為教練落刀嘅對像，似乎都合乎情理。
係傳出離隊緋聞之後，曼聯同車路士就成為左緋聞碧基最可能嘅下家。曼聯成為碧基下家嘅理由好充分，紅魔係後防線走左幾位元老之後已經千瘡百孔，急需一位可以穩定軍心經驗豐富嘅大將，而且碧基仲曾經係曼聯效力過，係果到有美妙嘅回憶。反而車路士可能成為碧基下家嘅消息就令人非常震驚，因為係摩連奴執教皇馬期間，碧基曾經多次攻擊過摩帥，兩人能否愉快合作令人懷疑。
但西班牙媒體指出，Shakira可能會左右碧基嘅決定，呢位拉丁美洲天后希望自己男友前往倫敦發展，主要原因係為左自己個孩子可以接受更好嘅教育。同時，《每日體育報》分析到，係車路士嘅後防線上，泰利已經係33歲嘅老將，球隊都需要一個經驗豐富嘅人黎壓陣，而且據悉車路士老板阿布願意為碧基掏出3000萬歐元嘅轉會費。