艾殊利高爾遭棄用或離隊,赴美職聯跟隨林柏特

足球轉會消息 於 26/10/2014 發表 收藏文章
係最近一次嘅歐聯小組賽中,羅馬主場1:7慘敗係拜仁慕尼黑腳下,而比賽上半場羅馬就失左5球,中場休息時主帥加西亞就選擇換下左托迪同艾殊利高爾呢兩位老將。係週末嘅意甲中,托迪依然係首發名單中,而艾殊利高爾嘅主力位置就已經被取代。媒體認為,目前艾殊利高爾已經失去羅馬嘅信任,有可能係冬季轉會期離隊。
今年夏天羅馬免費簽左同車路士合同到期嘅艾殊利高爾,當時球迷期待高爾能夠好似上季嘅另一位老將馬干咁,為羅馬做出重要貢獻。但係至今為止只有係羅馬作客對曼城嘅歐聯小組賽中高爾先攞出最佳狀態,其他時候嘅表現都無達到人們嘅預期。而係對拜仁嘅比賽當中,高爾面對洛賓果陣更顯得漏洞百出,完全被對手擊垮,主帥無得唔係半場過後就將佢換走。
《每日郵報》指出,如今加西亞教練已經失去左對高爾嘅信任,係跟住落黎嘅比賽中賀利巴斯都可能取代高爾嘅主力位置。而呢位33歲老將肯定都唔會留係羅馬做後備,佢正考慮係明年1月去美國淘金。事實上早係今年夏天就有美國職業大聯盟球隊向高爾發出過邀請,但當時高爾仲希望繼續留係歐洲頂級聯賽踢波,不過宜家高爾嘅諗法已經改變。
目前對高爾最有興趣嘅兩間球會分別係奧蘭多城同紐約紅牛,其中奧蘭多城由出年開始將成為美職聯新軍,佢地已經簽左高爾嘅老隊友林柏特。而紐約紅牛隊內嘅頭號球星係阿仙奴舊將亨利,不過亨利有可能係今年年底合同期滿後離開美職聯,紐約紅牛希望簽下知名度好高嘅前英格蘭國腳高爾黎保持球隊嘅影響力。

留言


請按此登錄後留言。未成為會員? 立即註冊
    快捷鍵:←
    快捷鍵:→