又來零身價！AC米蘭瞄準基迪拉，不惜清洗老將 精選

講到自由轉會，宜家世界足球壇最有心得嘅球隊恐怕就係AC米蘭。賽季初本田圭佑嘅爆發證明左加利亞尼嘅眼光，過去幾季AC米蘭都用免簽嘅球員打造出一隊頗具競爭力嘅球隊，而宜家加總又將眼光瞄向左皇馬中場基迪拉。27歲嘅基迪拉正值當打之年，如果能夠簽下，無疑會令米蘭嘅實力更上一層。
基迪拉同皇馬嘅合同到出年夏天就會到期，而德國人都並無續約嘅打算，如果到時能夠免費簽下，對米蘭黎講無疑係一筆划算嘅交易。根據意大利媒體Mediaset報導，加利亞尼已經同基迪拉經紀人展開接觸，德國人500萬歐元嘅年薪係最大障礙。對此米蘭可能會清洗麥薩斯，為基迪拉嘅薪水騰出空間。
不過想得到基迪拉，米蘭將會面對激烈嘅爭奪，最大對手將會係英超豪門阿仙奴同車路士。阿仙奴今年夏天開始就已經對基迪拉非常感興趣，德國人係中場強大嘅控制力正係阿仙奴需要增強嘅地方。對於阿仙奴黎講吸引基迪拉仲有一個利好因素，就係奧斯爾，唔知國家隊好友能唔能夠說服基迪拉加盟。
而車路士吸引基迪拉嘅王牌就係主教練摩連奴。2010年成為皇馬主帥以後，摩連奴指明要引入嘅球員就包括基迪拉，加盟皇馬以後基迪拉係中場表現出色，戰術紀律性極強，贏得摩帥信任。宜家摩帥重返車路士，都再次向基迪拉拋出橄欖枝。係跟住嘅一季，基迪拉將會有好多選擇嘅機會，德國人最後花落誰家，我地拭目以待。