史杜列治即將續約至2019年，年薪逼近謝拉特 精選

論功行賞，係世界足球壇上早就係慣例。上季，利物浦能夠攞到亞軍嘅佳績，同史杜列治嘅優異表現密不可分。今日，《每日鏡報》同《每日郵報》就披露，史杜列治即將簽下一份週薪15萬鎊、為期5年嘅新約。
18個月前，史杜列治以1200萬英鎊從車路士轉會利物浦，當時佢嘅週薪為5萬英鎊。黎到晏菲路之後，雖然史杜列治傷病不斷打打停停，但係佢嘅入球效率就非常恐怖：52場比賽36球，46次正選36個入球。
羅渣士之前坦言，佢唔會輕易同年輕球員加薪，除非球員嘅表現十分穩定。史杜列治呢一年半黎嘅表現顯然好穩定，符合羅渣士加薪嘅標準。英國媒體今日不約而同地指出，史杜列治即將續簽肥約，週薪將猛漲三倍，達到15萬英鎊。呢份為期5年嘅新約，裡面含有唔少獎金條款。如果史杜列治入球繼續不斷，仲將會攞到豐厚嘅獎金。咁樣一黎，佢嘅總收入有望同隊長謝拉特持平。謝拉特目前攞緊17萬英鎊週薪，係隊內現役最高。今季，史杜列治同史達寧表現出色，構建全新嘅SAS組合。宜家睇黎，呢兩位攻擊球員，都將得到球會嘅嘉獎。