英媒曝C朗原定加盟摩納哥，老闆離婚致轉會失敗 精選

英國《每日郵報》披露上年C朗同皇馬續約時，佢嘅經紀人文迪斯係新合同中規定C朗30歲時可以加盟法甲摩納哥，但係由於摩納哥老闆離婚損失慘重，最終呢筆交易流產。
前曼聯主帥莫耶斯確認去年夏天紅魔曾經求購C朗，但未能成功，《每日郵報》披露咁係由於法甲巨富摩納哥隊為C朗提出「退休金承諾」，佢以1500萬鎊嘅世界第一年薪同皇馬續約後，佢嘅超級經紀人文迪斯係新合同入面規定，出年2月C朗年滿30歲後，可以轉會摩納哥，攞到巨額嘅稅後收入。
C朗新合同中嘅呢個條款被稱作「清爽合約」，亦姐係免稅收入，又被各方稱作「白金退休金」。但係最終C朗轉會摩納哥流產，因為佢地嘅俄羅斯富豪老闆離婚損失慘重，已經無能力支付C朗巨額嘅「退休金」。英媒稱咁令出年夏天佢回歸曼聯更近一步。
據今年福布斯排行榜，摩納哥老闆嘅資產高達53億鎊，但係同20年嘅結髮妻子離婚後，瑞士法庭判決佢支付27億英鎊分手費以及係瑞士嘅8850萬英鎊資產俾佢妻子，另外支付法甲聯賽4150萬英鎊稅款，個人資產縮水超過一半。呢個夏天摩納哥將法卡奧租借俾曼聯，將占士洛迪古斯出售俾皇馬，就係減輕財政負擔，自然無力再引入C朗咁嘅世界足球先生。