堤亞高：「車路士今夏曾向我提供一份豐厚報價」 精選

馬體會中場堤亞高承認佢係今夏接近再次番到車路士，藍軍向自己提供左一份豐厚嘅報價。葡萄牙中場上季依靠出色嘅表現幫助馬體會進入歐聯決賽，而係上季結束之後佢同床單軍團合約到期成為自由球員。堤亞高係2010年以租借身份從祖雲達斯加盟馬體會，而係之後嘅第二年佢就永久轉會馬體會。
呢名33歲嘅球星原本被認為好可能係今夏再次番到車路士，而之前藍軍係今夏已經從馬體會簽左迪亞高哥斯達同菲臘路爾斯，不過堤亞高最終選擇同馬體會續約。佢對《阿斯報》表示：「夏天非常困難。我希望向球迷解釋發生左咩事，但係有啲事我無辦法解釋，因為佢地並唔重要。」
「係上季結束之後，我收到左黎自車路士嘅一份豐厚報價，咁令我思考去做一個改變。但係我意識到最重要嘅事就係感覺自己係球會嘅重要性。我同施蒙尼進行左溝通，佢話俾我知希望係下季繼續擁有我。果陣我就只考慮繼續留係馬體會，新賽季再著呢身球衣。我感到好高興並且感謝球會所有嘅人。我會係球場上奉獻一切並且回報佢地。」