阿仙奴購基迪拉迎轉機，皇馬今夏願出售強硬防中 精選

引入山齊士、迪布治、奥斯賓拿同張伯斯，阿仙奴嘅夏季引援工作，正進行得如火如荼。根據《每日鏡報》嘅最新消息，阿仙奴收購防中基迪拉，宜家都獲得好消息，皇馬有意係今夏將德國人套現，以避免明夏人財兩空。
係防中位置上，自從桑治離開後，阿仙奴中場一直唔夠硬。迪亞比長時間養傷，阿迪達同韋舒亞都唔係強硬型中場。阿仙奴並唔匱乏中場組織者，唯獨稀缺果種硬朗防中，基迪拉無疑係呢個位置嘅完美之選。幾星期前，阿仙奴曾經瘋狂追逐基迪拉，但係皇馬方面一直唔肯放人。另外，基迪拉要15萬英鎊週薪，呢個報價都令雲加好頭痛。要知道奧斯爾、山齊士咁嘅頂級新援，薪資都達唔到呢個數。
不過如今，情況出現左改變。《鏡報》援引「皇馬喉舌」、西班牙《馬卡報》消息指，皇馬意識到基迪拉恐怕好難續約，明夏將自由身離隊。為左避免呢一個局面出現，白衣軍團打算係今夏出售基迪拉，以免一年後人財兩空。
據了解，基迪拉對重返德甲效力好有興趣，而德甲班霸拜仁慕尼黑對佢求賢若渴。雙方你情我願，皇馬深感情況不妙，同基迪拉續約怕係唔會成功。皇馬已經做好左今夏出售基迪拉嘅準備，咁對於雲加黎講，無疑係好消息。