峰迴路轉！丹尼爾決定留守巴塞，不會轉投PSG 精選

近日巴塞右閘丹尼爾艾華斯嘅前景出現轉折，之前傳聞要被巴塞清洗嘅佢日前決定要係新賽季繼續留係巴塞效力。2008年巴塞以2950萬歐元由西維爾引入左丹尼爾艾華斯，係巴塞嘅六年期間完全佔據主力右閘嘅位置，即使近兩季水平有所下降，但無可否認嘅係佢為巴塞作出重大嘅貢獻。
之前曾經傳出巴黎聖日耳門對丹尼爾艾華斯感興趣，不過最終不了了之。如果有球隊想引入佢，一方面至少要向巴塞交出1500萬歐元。另一方面丹尼爾艾華斯都要求得到一份薪水高時間長嘅合同。不過照目前黎睇，8月31日轉會截止前無咩可能出現呢種情況。
丹尼爾艾華斯留隊，巴塞主帥安歷基都會好開心。因為佢知道係自己嘅戰術體系入面，右路嘅發揮非常關鍵，另外佢都有信心可以令球員恢復到自己嘅最佳狀態。丹尼爾艾華斯都表示十分欣賞新帥安歷基，同時希望可以同主帥有交流。佢將會係今個週末結束度假，同球隊會合開始備戰新賽季。