法卡奧與皇馬達成協議，世界杯後君臨班拿貝 精選

係呢個夏天，皇馬將會引入一個同賓施馬風格唔同嘅中鋒。根據卡塔爾嘅BeIN體育台透露，法卡奧已經同皇馬達成協議，佢將會係世界杯結束後君臨班拿貝。
據BeIN體育台透露，法卡奧雖然目前係邁阿密度假，但早就委託經紀人文德斯幫佢轉會。車路士、曼城、熱刺同利物浦都追求緊法卡奧，但老虎卻拒絕左呢四大英超豪門，而最終選擇加盟皇馬。法卡奧本人從小就係皇馬球迷，佢係馬德里仲有一層樓。法卡奧的確可以填補皇馬缺少傳統中鋒呢一個空位，而且C朗都早就表態願意同老虎搭檔。
法卡奧加盟皇馬？代表蘇亞雷斯將被佩雷斯放棄，佢有機會加盟巴塞 《世界體育報》之前透露，蘇亞雷斯本人已經對巴塞點頭。《阿斯報》日前就指出，蘇亞雷斯將會盡量勸服利物浦降低要價。蘇亞雷斯嘅岳父岳母都住係巴塞隆那，都係巴塞吸引佢一家嘅重要因素之一。