意大利新帥人選為安帥，西媒：佢一定留皇馬 精選

安察洛堤嘅執教生涯，可以被視為一篇成功歷史。係執教嘅每個聯賽中，安察洛堤都有獎杯入賬。係皇馬執教嘅第一年入面，就贏到歐聯同國王杯兩個冠軍獎杯。安察洛堤迄今為止從未係國家隊執教過，意大利足協希望佢可以接過柏蘭迪尼留低嘅旗幟。
係皇馬同意大利之間，安察洛堤明白佢冇可能「兼職」。意大利處於重建期，新帥需要係考察新人同設定戰術上花費巨大精力。但皇馬幾乎每週雙賽，安察洛堤無可能有足夠嘅精力兼顧意大利隊。照《機密報》睇尼，安察洛堤無咩可能入主意大利，安察洛堤無可能放棄啱啱拎到歐聯獎杯嘅皇馬。
安察洛堤目前係加拿大度假，無幾耐之後佢將會係加拿大結婚。係假期入面，安察洛堤關注嘅唔係意大利重建，而係皇馬球員嘅狀態。西班牙、葡萄牙提前出局，令到安察洛堤要係下季備戰時提前迎接卡斯拿斯、拉莫斯、阿朗素、C朗、比比同干查奧。
宜家嘅安察洛堤，正為皇馬下季進行緊規劃，姐係佢無乜可能入主意大利隊。據《機密報》報導指，安察洛堤已經通知皇馬高層，一定要加薪留低迪馬利亞。係安帥既角度睇尼，迪馬利亞係皇馬嘅關鍵成員之一。佩雷斯想將迪馬利亞賣出5000萬歐元，但安察洛堤唔想失去阿根廷人。