馬體會鎖定哥斯達接班人，2500萬求購曼城前鋒 精選

據英國媒體報導，西甲新科冠軍馬體會鎖定左迪亞高哥斯達嘅接班人，哥斯達係近期轉會至車路士。馬體會希望用2500萬英鎊從曼城收購前鋒尼格度，以填補迪亞高哥達斯離去留下嘅空缺。
馬體會奪冠功臣之一大衛韋拿已經加盟美國大聯盟嘅紐約城，計埋幾乎已經確定離隊嘅迪亞高哥斯達，馬體會將會無前鋒用。尼格度可以成為補充鋒線嘅重要力量。尼格度係上年夏天以1600萬英鎊加400萬浮動金額由西維爾加盟藍月亮。尼格度來到英超之後好快適應左比賽節奏，並同阿古路組成鋒線組合，到2014年1月佢就已經射入23球，但肩傷令佢唔可以唔停低自己嘅腳步。
 傷病令尼格度嘅狀態一去不返，佢上季最後嘅16次出場未有取得任何入球，因此落選左西班牙國家隊大名單。即管宜家曼城隊中有大衛施華、查維加西亞兩個西班牙同胞，但由於下季曼城鋒線競爭變得異常激烈，尼格度反而打起回到家鄉嘅念頭。
阿古路目前吸引左皇馬同巴塞嘅興趣，但曼城堅稱唔會出售阿古路。同時柏歷堅尼準備係世界杯之後續約波斯尼亞前鋒迪施高。上季長期受傷病影響嘅祖維迪新賽季都會健康歸隊。所以尼格度係隊內就處於一個尷尬位，此時來自馬體會嘅邀約明顯俾左尼格度一個好好嘅告別理由。