7940萬鎊！蘇七市值僅次於美斯C朗，佩雷斯指定要簽佢 精選

蘇亞雷斯贏得上季英超同歐洲金靴。咁嘅神鋒，點會無人想要？皇馬主席佩雷斯已經指出，世界杯後將出資6000萬英鎊求購蘇七。球員嘅律師都推波助瀾，佢係日前表示，如果皇馬真係開價，蘇神恐怕好難say no。雖然上年年底以20萬英鎊嘅隊史第一週薪續約，蘇亞雷斯依舊係其他挖角嘅對象。
蘇神由昔日嘅天使魔鬼複合體，逐漸趨近於完美天使，佢係球市上更加受人推崇。雖然蘇亞雷斯之前明確表示，佢係利物浦過得好開心，無心轉會。但佢嘅律師指出，蘇七咁樣講係基於皇馬尚未報價。如果歐洲新科冠軍係未來出價，恐怕佢都幾難拒絕。
佢咁話：「一年前，佢一度好可能要離開利物浦。如今，我認為佢無乜可能離開紅軍，因為佢係呢到係偶像。不過，世上有唔少球會可以為佢出高價。如果皇馬為佢開出一份高價，都好難say no。因為蘇亞雷斯一直都對西甲好有興趣。」
英媒指佩雷斯準備斥資6000萬英鎊求購蘇亞雷斯，呢個價格可能不足以反映出蘇七嘅真實價值。日前，瑞士知名體育調研公司CIES，發布左一份世界足球壇名將市值調查報告，根據年齡、現有合同長度、場上位置、國際大賽經驗等多個方面，唔少明星嘅身價一一呈現在公眾面前。美斯以1.615億英鎊拔得頭籌，C朗以8520萬英鎊緊隨其後，幾乎係美斯嘅一半。蘇亞雷斯排名第三，佢嘅市值最低為7940萬英鎊，最高可達9230萬英鎊。而目前世界上轉會費最高嘅巴爾，僅列第7，市值為4710萬英鎊至5470萬英鎊。