巴塞鎖定德國兩將代替法比，敲定萊斯只需3700萬 精選

最近，巴塞大將法比加斯一直係各大足球媒體爭相報導嘅焦點人物，因為巴塞內部已經傳出指根本唔排斥賣走小法，所以購買一個適合自己球隊風格並且可以彌補小法離開帶黎尼損失嘅球員，係巴塞目前非常重要嘅工作。據《世界體育報》透露指，宜家嘅巴塞已經將挖角嘅對象鎖定係德甲兩大豪門拜仁同多蒙特身上，而加泰羅尼亞球隊鍾意嘅球員就係拜仁嘅梅拿同多蒙特嘅萊斯。
按照《世界體育報》嘅講法，梅拿係拜仁陣中已經唔係絕對重要嘅球員，甚至哥迪奧拿對於梅拿嘅離開都有啲唔在乎。確實，係哥迪奧拿黎到拜仁之後，已經對呢支曾經嘅巨無霸球隊按照自己嘅意願改造，希歷基斯時代嘅唔少主力係哥帥手中並唔係咁受重用，例如梅拿，文素基治同卻奧斯，而上述呢幾位球員宜家都有離隊緋聞傳出。
據悉，梅拿已經親口對外界透露，雖然自己同拜仁嘅合同係2017年到期，但係唔等於係合同到期之前佢就一定留守拜仁：「我都唔知未來會發生咩事，我唔可以向外界承諾任何野。」不過巴塞想得到梅拿嘅難度非常大，因為曼聯宜家都希望得到呢位德國大將，而且曼聯嘅優勢，就係球隊新帥雲高爾同梅拿係拜仁曾經有過合作，唔知咁樣會唔會影響梅拿轉會嘅走勢。
而巴塞另外一個目標萊斯，購入難度更大。球場上嘅萊斯雖然名義上係左翼，並且都習慣由左路發起進攻，但是佢嘅前場覆蓋區域非常大，兼具速度，盤帶同射門技術於一身嘅佢，可以係前場任何位置組織同完成進攻，呢種天才球員，相信多蒙特都唔會輕易將佢送到別人嘅手中。
不過需要注意嘅係，萊斯同多蒙特嘅合同中包含左一項買斷條款，而且價格都唔算高，即3700萬歐元，呢筆錢對於歐洲大球隊黎講並唔足以望而興嘆，所以呢筆轉會成唔成功仲需要睇萊斯嘅個人意願。一方面佢願唔願意離開多蒙特仲係問題，其次，宜家排隊等緊萊斯嘅球隊多不勝數，巴塞都需要做好面對激烈競爭嘅準備。