哥圖斯：「世界杯後就知我嘅去留」 精選

雖然有傳聞指哥圖斯將會响下個賽季重返車路士，不過比利時門將宜家拒絕對呢件事發表評論。
哥圖斯已經連續3個賽季俾藍軍租借至馬體會，佢已經為新科西甲冠軍出場111次。自2011年由加盟車路士以黎，哥圖斯仲未有為車路士出場嘅紀錄。呢名22歲嘅門將就話：「我唔會談論自己嘅未來，宜家討論呢方面嘅野並唔合適。我宜家係國家隊，會專注於世界杯，而唔係我個人嘅事情。我會係世界杯結束之後作出決定，到時一切都會清清楚楚。」
摩連奴係上年夏天曾經同哥圖斯進行過交談，之後佢又前往馬體會效力左一個賽季。哥圖斯透露雙方係最近已經進一步談論左自己嘅未來。佢再指出：「我係5月同摩連奴溝通過一次，係對陣巴塞嘅比賽之前。佢表達左佢對我嘅睇法。」
哥圖斯目前係國家隊中佔據主力位置，佢希望可以係下個球賽季擁有更多一線隊比賽嘅經驗：「我目前嘅年齡同埋我嘅表現尼睇，坐冷板凳絕對唔係一件好事。」