巴塞鋒線引援首選洛蘭迪,清洗三主將去籌錢

足球轉會消息 於 14/06/2014 發表 收藏文章
係巴塞四大皆空之後,主席巴圖美奧明確表示,今夏將會係陣容上進行一場大革命。據《每日體育報》係頭版頭條報導指,巴塞將會係鋒線上引援既頭號人選定為洛蘭迪,同時都願意為拿樸迪俾違約金。而為左籌備轉會費,丹尼爾艾維斯、法比加斯同山齊士都會被推上轉會市場。
自從伊巴謙莫域離隊之後,巴塞就始終缺少一個高中鋒。越來越多既球隊係面對巴塞時擺出鐵桶陣,多人係禁區前圍堵美斯,同時唔俾沙維、恩尼斯達傳直線。巴塞踢尼踢去,只可以將波交比丹尼爾艾維斯右路傳中。而由於巴塞缺少高中鋒,傳中絕大多數都無法轉化為攻勢。安歷基點名要一名真正既9號,洛蘭迪成為左巴塞高層既首選。
中堅位置上,巴塞都鎖定左响拿樸迪身上,呢名畢爾包天才少年係呢兩年表現極為出色。據《每日體育報》報導指,巴塞已經準備為拿樸迪支付違約金。佢既違約金為3600萬歐元,如果巴塞強行買斷合同既話,咁仲需要再繳納奢侈稅,轉會費總額將肯定超過5000萬歐元。
係清洗方面,巴塞確定將會賣走三名主力級別既球員。丹尼爾艾維斯合同將係明夏到期,雙方都無繼續合作落去既意思,佢離隊早就係心知肚明既事。按照之前《隊報》既講法,丹尼爾艾維斯去巴黎聖日耳門既可能性為99.9%。
法比加斯同山齊士要被清洗換錢,呢個講法都係第一次被公誅於世。法比加斯三年來每季都高開低走,佢嘅失誤係巴塞四核戰術失敗既關鍵所在。山齊士踢出左個人表現最出色既一季,但作為翼鋒嘅佢缺乏突破能力,作為中鋒身高又實在太矮。考慮到祖雲達斯追求緊山齊士,巴塞希望用佢黎誘惑祖雲達斯放棄洛蘭迪。

留言


請按此登錄後留言。未成為會員? 立即註冊
    快捷鍵:←
    快捷鍵:→