羅渣士引援要求技術好+高智商，或賣14人籌集資金 精選

拎到英超亞軍重返歐聯舞台，利物浦注定會係今夏鞏固陣容。主帥羅渣士曾經表示可能買5至6人，不過絕對唔係買人湊數，佢日前披露左新援既標準，必須有好既技術以及唔錯既足球智商。
羅渣士既傳控足球大獲成功，紅軍火力威猛，今季聯賽狂轟101球創造隊史紀錄。佢係買人方面有明確既要求，「我地搵既，係果種技術好、足球智商高嘅球員，需要具備良好既職業素養，並且要有學習提高自我既諗法。我希望新援無論係訓練定係比賽，都要每場搏到盡。」
「我地會買某啲位置上擅長嘅球員，都會買一啲可以踢多個位置嘅球員。球員能勝任多個位置，咁樣就可以令我擁有更多選擇。例如我地既小將阿拔圖，佢一般係係4-3-3戰術中踢翼鋒，但佢都可以踢前鋒，我地培養緊佢。佢有唔錯既足球智商，技術都幾好，而且有好強既戰術意識。」
利物浦要進補，都會瘋狂裁員。根據英國《太陽報》同《每日電訊報》既消息，羅渣士可能係今夏放走既球員多達10人以上。上左黑名單既球員，唔少得副隊長艾加、巴西鐵腰盧卡斯。《每日電訊報》指出，艾加今季僅僅為紅軍首發左16場聯賽，羅渣士更想用沙高同史基度爾黎搭檔中堅。艾加係巴塞一直追逐既對象，羅渣士如果賣佢，希望至少回收1200萬英鎊。羅渣士俾謝拉特轉打防中之後，盧卡斯既地位大受影響。再加上傷病不斷，佢逐漸淪為角色球員。不過，盧卡斯唔甘心咁樣，佢希望能換隊球隊做主力。利物浦都希望可以係盧卡斯身上拎到最大嘅利益。其餘上左離隊清單既球員包括門將連拿、艾斯柏斯、艾拔圖、域陀摩西斯、施素高、波連尼、高亞迪斯、艾沙迪、羅賓遜、馬田基利、高迪、伊路利。利物浦希望處理左呢啲球員之後，可以係轉會費同節約薪資上籌集3000萬英鎊。