安察洛堤拒摩納哥1500萬年薪，老貝希望佢重返米蘭 精選

安察洛堤已經多次表態，下季佢唔會離開皇馬。根據Tiki-Taka欄目主持人透露，安察洛堤已經拒絕左摩納哥3年4500萬歐元既肥約。
摩納哥希望安察洛堤能夠係今夏帶領球隊，並願意為佢開出1500萬歐元嘅年薪，呢個數目係安察洛堤目前年薪既兩倍。摩納哥距離意大利更加近，方便安察洛堤番屋企，而且高層都願意為佢完全放權。但即使係咁，安察洛堤仍然拒絕左摩納哥既邀請。
參加Tiki-Taka欄目對話既兩名記者，就對呢件事發表左唔同既睇法。其中一人認為認為，安察洛堤作出左正常既反應，因為佢效力於世界最佳球會，再去任何其他球會都係令自己生涯倒退。但另一位就指出，安察洛堤如果夠聰明既話，咁就唔應該立即拒絕摩納哥。
就算安察洛堤唔可以係皇馬執教，老東家AC米蘭都願意對佢敞開大門。據《阿斯報》報導指，貝盧斯科尼x非常渴望安察洛堤能夠重返AC米蘭執教。貝盧斯科尼正等待歐聯決賽結果，佢認為一旦皇馬落敗，AC米蘭就有機會重新請番安察洛堤。擁有時唔識珍惜，失去左先追悔莫及，宜家老貝總算明白安察洛堤係個幾咁出色既主教練啦。