利物浦撬拜仁翼鋒獲其經理人確認 精選

今年1月，利物浦主帥羅渣士曾打算簽下一名翼鋒，遺憾既係沙拿同高路比恩卡等兩名球員既交易都未能完成，所以只能等待今夏再收購強援加強邊線。
英國媒體《鏡報》爆料，利物浦既最新目標係沙基利，佢既經理人接受採訪時確認，「沙基利今年22歲，佢呢個年齡需要一定既出場時間，遺憾既係，宜家既情況並非如此。我地等待夏天既到來，利物浦、曼聯、國際米蘭以及其他頂級球會都對佢好感興趣，如果佢地願意傾嘅話，我地肯定會聽取報價。」
打右翼既沙基利係瑞士國腳，出道於巴素利，2012年夏天正式成為拜仁一員，上季佢各項賽事出場38次，攻入8球，幫助拜仁簽德甲、德國杯同歐聯等三項榮譽，成為德國足壇史上第一個三冠王。隨住希歷基斯退休，哥迪奧拿接任，沙基利係拜仁慕尼黑既位置變得非常唔穩。
佢今季各項賽事僅出場27次，德甲聯賽出場17次，但出場時間僅為782分鐘，可想而知佢係哥迪奧拿手下處於邊個位置。對於利物浦而言，如果能夠簽下沙基利，羅渣士係前場將有更多選擇。