大清洗！巴塞下季僅六人保正選位置，沙維亦不例外！ 精選

FIFA推遲巴塞轉會禁令，姐係紅藍軍團今夏要大量用錢，巴塞要响幾個月內完成至少原本兩季既引援量。目前巴塞一隊有25人，西甲一隊最多都只可以得25人。代表巴塞引援同時都必須清洗大批球員。《每日體育報》明確指出，巴塞目前只有6人下季肯定會首發，其中無沙維既名。
呢六名不可動搖既球員，分別係美斯、尼馬、恩尼斯達、布斯基斯、碧基同佐迪艾巴。巴塞如果下季繼續踢433既話，首發陣容中需要新門將、新右閘、新中堅、新中場同新前鋒。
現有球員中，沙維、蒙度亞同巴查基本確定留隊，但係主力位置無法得到保證，呢3名球員中，沙維既地位最受關注。眾所周知，沙維係巴塞同西班牙目前戰術體系上根基所在。如果沙維唔再係巴塞絕對主力既話，巴塞就肯定會改變戰術風格。係沙維替身問題上，巴塞曾試用過堤亞高、法比加斯等球員，但無人能夠似沙維咁樣。好似沙維呢種類型既球員，就算係足球歷史上都屈指可數。一旦沙維戰術核心地位被移除，巴塞就將踢得更加簡單直接，但控球率可能因此下滑。目前一隊陣中，有唔少球員肯定會離隊。佩奧爾同域陀華迪斯都已經決定今夏走人，賓度都唔會得到新合同。桑治同丹尼爾艾華斯將會被出售，呢兩個人係巴塞今夏回籠資金既關鍵人物。奧亞、阿費利、泰路、古安卡都將會被掛牌，但呢四人預計賣唔出好多錢。
隊內其他球員既未來，既取決於佢地本人既意願，都取決於追求者為佢地開出既報價。換句話講，呢啲球員既未來都屬於待定。巴塞唔介意留低佢地，但如果佢地想離隊，而且新東家報價又滿足巴塞預期既話，紅藍軍團都願意放走佢地。馬斯查蘭奴、法比加斯、山齊士、柏度等人，都屬於「前途待定」既類型。呢啲球員可以賣出高價，但要引入實力超越佢地既新援都絕非易事。