歐洲三大豪門有意阿仙奴中堅 精選

據《每日電訊報》報導，阿仙奴有意同球隊中堅哥斯尼簽下一份新合同，但巴黎聖日耳門、拜仁以及摩納哥都有意簽下呢名法國中堅。
哥斯尼係槍手今季發揮最穩定既球員，同時都係英超賽場上最優秀既中堅之一。佢出色既發揮吸引到巴黎聖日耳門、拜仁以及摩納哥既關注。呢個後衛既週薪只有5萬英鎊，低過梅迪薩卡既9萬英鎊以及華美倫既7萬英鎊。
阿仙奴準備同佢簽一份新合同，並願意提供9萬英鎊週薪。但槍手如果想如願可能仲要面對唔少歐洲豪門既競爭。大巴黎同摩納哥都係轉會市場上尋找新中堅，而拜仁主帥哥迪奧拿對哥斯尼都非常欣賞。呢名法國後衛對球會多年無冠既現狀都有少少野發表，佢上年曾經講：「我希望捧起冠軍獎杯，我希望球會可以提供咁既條件。如果唔得，我會考慮去其他地方。」
「我係阿仙奴既感覺良好，如果呢個球會可以同最好既球隊係同一水平，咁我都冇理由離開。但如果我地每個賽季都要為歐聯資格而戰，一直處於呢個壓力之下，會非常辛苦。」呢名法國後衛同球會既合同到2017年，因此佢既身價可能超過2000萬英鎊。加上華美倫同槍手既合同將响2015年到期，兵工廠已經開始考慮收購一名新中堅。