西媒揭曉美斯比賽態度消極之迷！ 精選

係巴塞近期三連敗中，美斯一球都無入，而且係場上顯得好唔積極。係輸俾馬體會時，美斯跑動距離甚至唔到7000米。曾經係巴塞效力11年既傳奇隊長艾辛斯(Juan Manuel Asensi)，就美斯既表現傾左自己既睇法，佢明確指出跳蚤態度有問題。
「我感覺到好驚訝，我都好擔心。美斯身上一定發生左一啲事，咁先導致佢係最近呢啲比賽入面態度唔夠端正。係美斯臉上，我睇到之前從未有過既深深悲傷。我認為美斯考慮既並唔係錢或者世界杯，球隊內部一定出左問題。佢頭腦中有某種諗法，咁為佢帶黎左困擾。」
哥迪奧拿曾經講過，如果美斯表現不佳既話，咁一定係周圍環境有問題。美斯如今遇到左咩問題？《每日體育報》揭曉左答案。據該報援引加泰羅尼亞電視台既報導稱，美斯認定巴塞想係今夏趕走自己。正正係呢種諗法，導致美斯近期比賽態度非常消極。
《每日體育報》指出，美斯之所以有呢種感覺，有兩方面既原因。一黎巴塞同美斯加薪續約談判始終唔順利，副主席甚至公開講過「無必要幫美斯加薪」，咁令阿根廷人感到無辦法理解。係尼馬份合同被曝光之後，美斯更加感到自己既地位受到左挑戰，但係巴塞就始終無為佢送上一份肥約，高層一直係度拖時間。