多蒙特國腳左閘成利物浦今夏目標 精選

利物浦目前正處於英超冠軍爭奪既關鍵時刻，不過起碼球隊已經鎖定左下季歐聯既資格，對紅軍黎講補強陣容已經提上議事日程。多間英國媒體報導利物浦對多蒙特既國腳左閘舒姆沙非常感興趣，希望將佢帶到英超聯賽。
對於利物浦黎講，下季時隔4年重返歐聯，要取得好成績必須進一步增強實力，後防線尤其需要加強。雖然目前排名英超榜首，但係利物浦42個失球遠多於車路士同曼城，比排名第7既曼聯都要多4球。防線既主力中堅史基杜爾和格連莊臣英超分別出戰左32場同25場，但係左路既防守就無咁令人放心，多蒙特既德國國腳左閘舒姆沙正係對紅軍有力既補充。
根據英國媒體報導，有利物浦內部人士透露球隊夏天有望從多蒙特簽下舒姆沙，主帥羅渣士對呢名德國國腳非常欣賞，紅軍可能會係未來正式向多蒙特提出報價。舒姆沙今年26歲，正係當打之年，佢同多蒙特既合同到2017年，身價係1000萬歐元左右。
今季舒姆沙流年不利，先後3次因為腿部肌肉問題傷停，只係係聯賽出場17次。而佢既替補小將杜姆表現出色，德甲出場18次，係歐聯都有上佳發揮，甚至有人建議路維將佢帶到國家隊，宜家仲養緊傷既舒姆沙未來都要面對杜姆既競爭。不過作為過去兩年多蒙特獲得雙冠王以及打入歐聯決賽既絕對主力功臣，多蒙特肯定唔會輕易放人，就睇下紅軍最後能否如願啦。