杜奧巴最快今夏番車路士，免費加盟幫摩帥過難關！

歐聯對陣加拉塔沙雷既比賽前，摩連奴明確表示，杜奧巴响未來肯定會重新番去車路士，但係具體時間係個未知數。但宜家據英國媒體《鏡報》透露指，杜奧巴重新番去車路士不單只係有可能，而且係完全有希望實現，甚至最快响下季杜奧巴就可以同大家相聚。
車路士對陣加拉塔沙雷既比賽前，藍軍主帥摩連奴接受採訪，當被問到杜奧巴重新番去車路士既問題時，摩帥話：「我認為佢係未來既某一日肯定會番黎，可能係作為球員，可能係作為教練，都可能係​​作為大使，具體既角色我唔知道，具體時間我都唔知道，有可能係下季，都有可能係10年之後。我唔可以講宜家既佢係最重要既球員，因為時代唔同，咁樣講會對於現代球員唔公平，但係，我相信大家都會認同佢係球會中最重要既球員之一。」
摩連奴講完之後，相信並無咩人真係會討論杜奧巴既回歸日期，特別係作為球員回歸似乎更加無可能，話哂宜家既魔獸已經36歲。但按照《鏡報》既講法，杜奧巴完全有可能响下季重新回歸藍軍，最基本既原因係藍軍需要引入前鋒，而到時車路士可能會受困於財政公平法案而唔可以係球市上隨心所欲購買球員，因此將會選擇俾杜奧巴重新番去藍軍渡過一季。
《鏡報》指，係摩連奴心中，不理係伊度奧，托利斯以及丹巴巴亞，呢啲現任前鋒都唔係幾岩用。摩連奴最想得到既前鋒係馬體會既迪亞高哥斯達以及摩納哥既法卡奧。但引入迪亞高哥斯達可能需要4500萬英鎊，對於藍軍黎講係財政上重大既支出​​，到時通唔通過到歐足聯既財政公平法案仲係一個問題。此外呢段時間傳出摩連奴想買拜仁前鋒文素基治既消息，但呢位克羅地亞人身價都唔低，估計係2500萬英鎊，而且佢既薪水都唔會低。
而引入杜奧巴既話，就一蚊都唔洗用，並且以魔獸同車路士以及摩帥既感情，佢都唔會响薪水上有過多既糾纏，佢用豐富既經驗過渡一季，等到出年夏天再購買前鋒，就係車路士目前既理想做法。所以《鏡報》認為今年夏天魔獸就回歸車路士完全係有可能。