卻奧斯：「我願意考慮一下轉投皇馬」 精選

雖然皇馬中場名將如雲，但係今年夏天皇馬都係希望能夠網羅頂級中場，尤其是係攻中位置，皇馬需要搵到一位阿朗素既接班人。據《機密報》最新消息，皇馬垂青多時既德國國腳卻奧斯表示，佢願意考慮轉投皇馬。
《機密報》文中並未列出卻奧斯既原話，而只係指出，佢同拜仁既合同將於2015年夏天到期，拜仁希望能夠同佢續約，但係目前就遇到一啲困難，球員本人希望能大幅加薪，如今佢既年薪僅為450萬歐元，如果雙方繼續僵持落去，今夏卻奧斯就極有可能謀求轉會，皇馬就係佢心儀既豪門。
相關報導中仲有強調，拜仁財力相當雄厚，哥迪奧拿就攞住世界足球壇教練最高年薪（1700萬歐元），但係唔知點解拜仁就唔想為卻奧斯加薪。皇馬方面既諗法係，既然收購根度簡既可能性已經排除，呢名多蒙特中場大將今季遭遇重傷，咁今夏只要卻奧斯進入轉會市場，皇馬鐵定會出價求購。
皇馬先前之所以無決定係唔係應該追卻奧斯，原因就係唔想同拜仁嘈得唔愉快，如今卻奧斯存在今夏轉會既可能，皇馬自然唔想放棄呢個絕佳機會。不過，根據好多英國媒體既報導，卻奧斯肯定仲會收到黎自曼聯既邀請，《每日鏡報》就已於日前提到，曼聯鐵定要買卻奧斯。