施蒙尼今夏或接托利斯回家 精選

車路士既三大前鋒托利斯、伊度奧同丹巴巴亞入球率唔高，已經成為摩連奴既心病。宜家睇黎，今季結束後上述三人都可能離隊。英國媒體透露，馬體會好希望能夠接番托利斯呢位舊將。
托利斯從馬體會加盟利物浦後，曾經展現過唔差既入球效率。但係係以5000萬英鎊既英超第一身價轉投車路士後，西班牙人一直都唔能夠搵番昔日既狀態。這些年，車路士教練換左一個又一個，但係托利斯既低效率始終無變。之前，摩連奴已經私下抱怨過托利斯入球效率太低，媒體不禁揣測狂人要放走托利斯。
托利斯如果換個環境，話唔定能夠重獲新生。《太陽報》日前披露，馬體會主帥施蒙尼好想將托利斯接番卡達朗球場。阿根廷人通過佢同托利斯共同既圈內朋友向托利斯傳達左自己既諗法。
現年30歲既托利斯1995年加盟馬體會青訓系統，佢係呢到一留就係12年，成長為非常出名既一流射手，並且成為左隊長。係轉會市場上，車路士同馬體會都係有交流。馬體會希望下季續租甚至買斷古圖爾斯，車路士就想得到馬體會新寵迪亞高哥斯達。如果車路士願意同馬體會做托利斯既交易，好可能會要求床單軍團將哥斯達放入交易之中。