德媒曝戴斯拿仍是拜仁目標，森馬一月曾聯繫其經理人 精選

日前德國《圖片報》爆料指，拜仁準備响今年夏天引入史浩克04既年輕德國國腳戴斯拿，甚至願意為呢位小將支付4550萬歐元既解約金。雖然隨後拜仁CEO路明尼加公開否認呢件事，但​​依然未打消球迷既疑慮。而德國媒體又响無耐前透露，事實上早响今年1月拜仁總監森馬就曾經聯繫戴斯拿既經紀人。
據德國《體育圖片報》報導，森馬响今年1月底曾經同戴斯拿既經紀人秘密聯繫，佢希望通過經紀人了解球員既諗法：如果有球會同意為佢支付全額解約金，都要睇下戴斯拿本人願唔願意轉會離開史浩克04。雖然並唔代表拜仁已經決定拎4550萬歐元購買佢，但至少都唔似路明尼加之前講對戴斯拿毫無興趣。
《體育圖片報》仲透露，由森馬2012年於拜仁任職時，就有一份大約40人既球員考察候選名單，而當時戴斯拿都係呢份名單入面。雖然拜仁肯定冇可能將呢40幾人全部引入，但作為德國足壇一位年輕而潛力巨大既新星，戴斯拿肯定响拜仁既引援候選中名列前茅。媒體甚至表示，「如果唔考慮引入好似戴斯拿咁既一位優秀年輕天才，簡直就係拜仁失職。」
拜仁門將紐亞同樣都係史浩克04青訓出身，但隨後加盟左德甲霸主，並迅速成為拜仁既主力門將，之前仲被評為世界年度門將。不過紐亞就同戴斯拿講，「佢應該响史浩克再踢多幾年，佢仲好後生，我相信佢會做出正確既選擇，對於呢個階段既佢黎講，最重要係隨後既幾年留响史浩克踢多啲比賽。」
早前史浩克經理已經承認阿仙奴曾經為戴斯拿報價，而日前史浩克04主席都坦言話，「我當然希望戴斯拿能夠係今夏繼續留响史浩克，但如果拜仁咁既頂級球會向球員發出邀請，我將無法排除任何可能性。」《慕尼黑日報》就指，雖然路明尼加否認，但係戴斯拿依然係拜仁既引援目標，只係拜仁目前仲考慮緊，今夏值唔值得為呢位20歲既小將拎出4550萬歐元咁大筆轉會費。