巴塞加入競爭，與五大豪門爭簽文素基治！ 精選

拜仁係德甲2:0擊敗慕遜加柏，而正如好多德國媒體賽前所猜測咁樣，文素基治無被主帥哥迪奧拿選入果一場比賽大名單。就係文素基治消失於拜仁一線隊陣容後無耐​​，西班牙媒體《每日體育報》透露，巴塞正係度考慮今後求購文素基治。
《每日體育報》文中先係指出，文素基治無緣果一輪德甲比賽係因為佢既訓練表現令哥帥感到不滿。《每日體育報》無炮製拜仁負面消息，因為就係對慕遜加柏比賽結束後，拜仁體育主管森馬就有表示：「我地係拜仁，永遠有最高既標準，咁包含每日既每次訓練。近幾天以黎，文素基治既訓練情況欠佳，哥迪奧拿睇得出，因此佢作出咁既決定。」
簡述左文素基治係拜仁既近況後，《每日體育報》隨後表示，巴塞早係2012年夏天就曾經考慮引入文素基治，當時佢仲效力於禾夫斯堡，巴塞曾經係2011/12賽季多次派出球探前往德國考察文素基治。然而，就係巴塞猶豫應唔應該引入呢位克羅地亞射手之際，拜仁就捷足先登，同年夏天，拜仁同文素基治簽訂左一份為期四年既合同，轉會費為1300萬歐元。
黎到拜仁既文素基治迅速企穩陣腳，上季佢各項比賽40次出場攻入22球，並隨拜仁完成既三冠王偉業。進入今季後，文素基治依然有住傑出表現，之前25次出場攻入13球。然而，當拜仁冬窗宣布簽下利雲杜夫斯基並且今夏入隊以後，文素基治既心態就受到影響，近一段時間以黎，訓練入面佢明顯有啲沒精打彩。
文素基治消極怠工已經導致佢受到哥帥既懲罰，而拜仁名譽主席碧根鮑華更係於日前坦言：「利雲杜夫斯基既球風同哥帥既戰術理念有更好既契合度，反觀文素基治，佢只係一位傳統意義上既站樁中鋒，更何況哥帥仲可以將梅拿或者葛斯放係進攻端最前面。」碧根鮑華暗示文素基治係拜仁唔再重要？如果拜仁願意今夏出售文素基治，巴塞極有可能求購，但《每日體育報》都分析，想簽文素基治既豪門好多，巴塞係同祖雲達斯、阿仙奴、車路士、曼聯、多蒙特競爭之際唔見得有十足既勝算。