阿仙奴誓要冬窗簽戴斯拿，願以王子加錢求購！ 精選

史浩克04已經明確表態，無意响一月賣走戴斯拿，但阿仙奴唔肯就此罷休。《每日鏡報》指出，雲加將展開最後一搏，期望可以係今個月簽下呢位德國紅星。正所謂夜長夢多，阿仙奴唔想挨到夏季轉會市場先收購。
雲加關注戴斯拿已經好耐，佢相信係自己既栽培下，戴斯拿可以好似當年既雲佩斯咁被改造成中鋒。禾確特重傷賽季報銷，雲加對呢位德國國腳更加渴求。據了解，阿仙奴準備用普多斯基加2000萬英鎊，即係總值3500萬英鎊既方案求購戴斯拿。
由於肌腱受傷，戴斯拿要大休到3月，但未能動搖阿仙奴冬窗收購佢既決心。阿仙奴挖角咄咄逼人，史浩克04方面卻態度強硬，一位高層透露，「話我地會响冬窗賣走戴斯拿，全部都係廢話，呢件事唔會發生。」《鏡報》指出，阿仙奴唔想輕易放棄。日後，佢地將派出代表親赴德國談判，希望能說服史浩克04軟化立場。
阿仙奴之所以堅持要係冬窗敲定戴斯拿，自然有深層次既考慮。由阿仙奴既角度睇黎，如果拖到夏季轉會市場，到時收購戴斯拿既情況會更複雜。眾所周知，巴西世界杯先係精英們鍍金既舞台。一旦戴斯拿响呢屆盛會大放異彩，身價勢必水漲船高。另外，到左夏季轉會市場，阿仙奴面臨既競爭無疑更加激烈，到時先買戴斯拿既難度自然更大。