拜仁今夏欲補中堅，巴西兩大國腳成頭號目標！ 精選

拜仁上季勇奪三冠王，而今季係各項賽事中既成績都非常出色，歐聯小組賽輕鬆晉級，德甲少賽一輪依然領先7分。而拜仁之所以能夠取得咁好成績，球隊係近​黎年來不斷大力引援起到重要作用。據德國媒體透露，拜仁有意係今夏繼續增強陣容，而今次佢地引援既位置將會係中堅。
目前拜仁隊內擁有保定、丹特、雲布廷、巴斯杜巴呢幾名中堅，但係相比拜仁既其他位置，中堅位置既人員配備比較薄弱，今季哥帥甚至一度只能安排干坦圖客串中堅。巴斯杜巴膝蓋連續接受手術並長期缺席，即使下季傷癒後狀態都令人擔心，而比利時老將雲布廷既合同將伯係今夏到期，目前拜仁依然無同佢進行續約談判，佢好可能會係合同期滿後離開拜仁。
咁樣一黎，拜仁係中堅位置上既人員配備明顯不足，因此需要繼續引援。據《慕尼黑晚報》透露，拜仁高層已經決定，將會係今年夏季轉會期引入一名頂級中堅，同保定、丹特形成競爭。而佢地既引援目標就係兩位巴西國腳：大衛雷斯同堤亞高施華。
大衛雷斯今季係車路士唔受​​主帥摩連奴既重用，已經淪為球隊替補，顯然咁對佢係巴西國家隊既主力位置造成不利影響，因此大衛雷斯已經有左轉會既諗法，只要報價合適車路士唔會強留。不過除左拜仁，西甲豪門巴塞都對大衛雷斯感興趣。相比之下，巴黎聖日耳門放走巴西隊長堤亞高施華既可能性就更小，但都唔排除堤亞高施華為左爭取歐聯榮譽而主動尋求轉會。拜仁係2011-12賽季只獲得三個亞軍，隨後痛定思痛既佢地係轉會市場上不斷投入重金，先係用創造德甲轉會費紀錄既4000萬歐元引入左馬天尼斯，而去年夏天又連續引進葛斯同堤亞高，冬季轉會期拜仁已經提前敲定左利雲杜夫斯基，如果今夏佢地再引入一名頂級中堅，咁可以講拜仁既陣容幾乎已經毫無缺陷，打造新王朝指日可待。