英媒曝蘇牙雷斯實際違約金為7000萬！ 精選

聖誕節前夕，利物浦宣佈同蘇亞雷斯續簽長約。不過，英媒披露，s7留左一手，佢响新合同中植入違約金條款。至於具體數額，《星期日鏡報》指出，並非之前所講既1億英鎊，而係7000萬英鎊。
上季蘇亞雷斯因為咬艾雲奴域被英足總禁賽10場，點知塞翁失馬焉知非福。今季解禁復出既蘇神狀態大勇，22場聯賽竟然狂轟22球。主帥羅渣士就坦言，咬人事件成為左s7職業生涯既轉折點。蘇亞雷斯獨扛紅軍進攻大旗，利物浦都論功行賞，比一份完美既聖誕大禮佢。
蘇亞雷斯同利物浦續約到2018年，週薪達到20萬英鎊，佢都成為球會歷史上薪水最高既球員。不過，s7仲係留有後著，佢係合同中植入左贖身條款：如果利物浦繼續無緣歐聯，咁第二啲球隊可激活呢一項條款將佢買斷。
至於s7合同中既違約金，之前媒體眾口一詞，聲稱數額高達1億英鎊咁多。如今，半個月之後，《鏡報》名記通過各方打探獲悉，s7既違約金其實為7000萬英鎊。呢個數字對於大部分豪門黎講，都已經算得上係天價。據了解，利物浦同蘇亞雷斯响違約金上進行過討價還價。紅軍既美國老闆希望將違約金定响1億英鎊，但s7認為呢個數額​太高。雙方經過一番拉鋸，最終紅軍選擇讓步，將數額定响7000萬英鎊。2013年夏天，阿仙奴曾為蘇亞雷斯開出4000萬零1英鎊既奇葩報價。當時雲加本以為呢個報價可以激活s7合同中既毀約金條款，但最終未能如願。如今蘇亞雷斯續約，阿仙奴車路士皇馬等豪門要想再簽蘇亞雷斯，面臨既難度無疑更加大。