文仙尼或帶昔日舊將到加拉塔沙雷！ 精選

據意大利媒體Mediaset報導，米蘭前鋒巴洛迪利成為左土耳其球會加拉塔沙雷既引援目標，日前巴神既經紀人拉伊奧拉係意大利同土耳其球會既官員進行左會面。
之前意大利方面屢有傳言指米蘭有意出售巴洛迪利，但係包括副主席加利亞尼在內，米蘭官方一直持否定態度。然而追逐巴神既球隊唔只原先流傳既車路士一隊，係國際米蘭同曼城都曾經同巴神結下師徒情既文仙尼係加拉塔沙雷上崗後，呢隊土超豪門都加入左爭奪戰。
巴洛迪利於2013年1月從曼城轉會加盟AC米蘭，雖然上季紅黑軍團勉強擠入前三獲得歐聯席位，但係今季至今米蘭僅僅排名第11位，唔理想既戰績令歐洲諸強都動左挖人之心。但係由於巴洛迪利係歐聯小組賽上已經為米蘭出場，即使佢加盟車路士或者加拉塔沙雷，都無辦法係剩低既歐聯淘汰賽中亮相。