賓特拿受傷逼教授買前鋒，「哥斯達？我諗要用最少一億先買到」 精選

係阿仙奴對熱刺既賽前記者會上，主帥雲加坦言，如果賓特拿真係如媒體傳聞咁休戰2個月，咁一月佢無得唔收購新射手。媒體傳聞阿仙奴有意以3200萬英鎊求購迪亞高哥斯達，而係雲加睇黎，阿仙奴要買呢個人支出恐怕得過億！
雲加表示，「我既轉會計劃將會取決於賓特拿。呢個時候，我地正考慮緊點增兵。我無得唔承認，我既人手有啲緊張。宜家賓特拿要休戰數月，而唔係三個星期，咁我地必須要考慮買人。」

賓特拿真係休戰兩個月，咁雲加將會被迫增補中鋒。《郵報》稱雲加正係度考慮4個選項，租借莫拉達係佢一直係度考慮。拜仁射手文素基治、曼城超級替補迪斯高同馬體會神鋒迪亞高哥斯達都係媒體傳聞既目標。
利雲杜夫斯基確認加盟拜仁，克羅地亞空霸文素基治未來成疑。不過《郵報》相信，文素基治應該唔會係一月離隊。至於目前發紅發紫既迪亞高哥斯達，阿仙奴恐怕都係可望而不可及。英媒盛傳阿仙奴會以3200萬英鎊買斷哥斯達，據說哥斯達合同中既違約金就係3200萬英鎊。
當被記者問及此事，雲加笑住咁回答：「買哥斯達？咁恐怕需要1.45億英鎊。老實講，每個球會肯定希望將好既勢頭保持落去。」馬體會今季係西甲同歐聯表現出色，哥斯達入球連連，床單軍團唔大可能一月放走佢地既王牌。