巴塞鎖定德國新門神，哥圖斯自薦遭拒絕 精選

唔理巴塞係唔係會簽連拿，紅藍軍團都會係明夏引入一名年輕既門將。係哥圖斯同達史迪根之間，巴塞高層終於做出左選擇。據《每日體育報》報導稱，巴塞明確拒絕左自薦既哥圖斯，並且敲定左達史迪根。
據《每日體育報》透露，巴塞同達史迪根已經私下達成左一致。達史迪根將會同巴塞簽約四年，佢唔願意錯過呢次鯉魚跳龍門既機會。係轉會費方面，考慮到達史迪根同慕遜加柏既合同係2015年夏天就將會到期，慕遜加柏都基本認可左巴塞1000萬歐元既報價。不過只有係域陀華迪斯宣布去向之後，巴塞先會官方宣布將簽下達史迪根，羅素希望用呢種方式表達對域陀華迪斯既尊重。
達史迪根想去巴塞，哥圖斯同樣如此，比利時人甚至主動向魯營高層自薦，但係仍然遭到拒絕。巴塞之所以拒絕哥圖斯，好大程度上源於好難同車路士進行談判。摩連奴對巴塞既恨意世人皆知，巴塞想以2000萬歐元既價碼簽哥圖斯實在太難。
而從技戰術角度黎講，哥圖斯都並唔適合於巴塞。巴塞既戰術體系，係從門將傳波開始組織進攻既，而哥圖斯並唔擅長用腳處理波，佢似個傳統型既門將。巴塞技術小組認為哥圖斯無辦法適應巴塞薩體系，比利時人因此被排除在外。