巴塞獵物門將季尾離隊成定局！ 精選

1月7號凌晨，德甲球隊慕遜加柏係官方網站上證實，21歲既德國門將達史迪根無同球隊續約。雖然達史迪根無透露下季具體去向，但係《世界體育報》等加泰媒體一致認為，巴塞係今夏簽達史迪根已成定局。
1992年4月出生既達史迪根今年21歲，有「小卡恩」既美譽，佢同慕遜加柏既合同係2015年夏天到期。慕遜加柏好希望留低呢位前途無量既新門神，不過宜家黎睇好難。球會體育總監係官網上無奈咁表示：「達史迪根通知我地，佢唔接受我地開出既續約合同。」為左避免2015年人財兩空既局面，慕遜加柏今夏將出售達史迪根。
對於自己唔續約既決定，達史迪根表示：「我唔會向任何人透露我下季既打算同決定。選擇唔同球會續約，呢個係一個相當艱難既決定。」《世界體育報》等加泰媒體係頭條確認，達史迪根加盟巴塞幾乎係鐵板釘釘。
慕遜加柏體育總監接受採訪果陣話：「我地宜家都未收到任何一份關於達史迪根既正式報價。但係今年夏天，我地將會係轉會市場上搜尋新既門將接替達史迪根。」小獅王既經紀人都表示，希望巴塞同慕遜加柏盡快敲定轉會。德國媒體透露，新賽季接替達史迪根既新門神，將會是森美爾，25歲既瑞士巴塞利門將。按照《世界體育報》既消息，巴塞將會係今夏以1000萬至1200萬歐元既價格，將達史迪根招致麾下，頂替即將離隊既域陀華迪斯。此外，租借到拿玻里既利物浦門將連拿，都將會係今夏低價加盟魯營。慕遜加柏今季高居德甲第3，達史迪根作為主力門將做出67次撲​​救，仲扑出過1個十二碼，表現相當突出。