拉莫斯自薦加盟PSG，皇馬欲引入利物浦右閘 精選

最近一段時間，卡斯拿斯既消息唔多，迪亞高盧比斯算係暫時接受左杯賽門將既位置。但另一名皇馬隊長拉莫斯，卻出現响轉會既流言中。據法國《Le 10 Sport》雜誌獨家報導指，拉莫斯已經主動自薦於巴黎聖日耳門，佢尋求緊明夏離開皇馬既可能性。
係皇馬，拉莫斯宜家過得並唔開心。經濟方面，拉莫斯年薪只有500萬歐元，佩雷斯拒絕今季內為佢加薪，令到拉莫斯好唔高興。初來乍到既巴爾都拎到1100萬歐元既年薪，身為第二隊長既自己卻賺唔夠佢既一半，拉莫斯感到無法理解。而由於佩雷斯拒絕公開為佢洗清摩連奴講既「內鬼」花名，拉莫斯係心理上感覺高層冇重視同埋尊重自己。
據《Le 10 Sport》透露，上季結束時，巴黎聖日耳門就曾聯繫過拉莫斯。不過當時拉莫斯已經得知摩連奴必定會離開班拿貝，所以選擇留守皇馬。但宜家摩連奴走左，拉莫斯既處境卻未有改善，安察洛堤甚至叫比比搭華拿尼。拉莫斯對自己响皇馬既未來產生疑慮，佢委託經紀人哥哥聯繫新東家，並最終同巴黎聖日耳門重新搭上線。大巴黎唔缺錢，只要拉莫斯願意轉會，卡塔爾財團肯定願意為佢一擲千金。
英格蘭《每日郵報》今天就透露，皇馬睇上利物浦右後衛格連莊臣。目前皇馬隊入面，右後衛的確係個相對薄弱既緩解。艾比路亞冇咩助攻能力，防守能力都係咁上下。卡華積助攻稍強，但防守水準並唔出眾，佢係國家打比中就被尼馬徹底打爆。格連莊臣相對而言攻守兼備，而且佢既身價都唔高。格連莊臣同利物浦既合同簽到2015年，皇馬明夏可以利用其合同​​問題大幅度壓低轉會費。