華倫西亞宣布獲華裔巨富注資，冬季將砸重金引援 精選

最近幾年，華倫西亞幾乎年年出售當家球星，大衛施華、韋拿、馬達、蘇達度等人都離開蝙蝠軍團。華倫西亞既問題係响經濟方面。由於修建新主場，華倫西亞近年黎一直有巨大既經濟漏洞，主席薩爾沃一直為球會尋找投資人。如今華倫西亞終於搵到投資人，佢就係新加坡既華裔巨富林榮福。
1954年出生既林榮福，出生於賣魚既家族。林榮福靠股票發達，佢係1996年轉做全職投資者。早响2010年3月，佢既淨資產就已經達到15億美元。薩爾沃日前召開新聞發佈會，並公佈林榮福將會為華倫西亞投資，呢名華裔巨富將成為蝙蝠軍團既救世主。
薩爾沃公開指出，林榮福將會為華倫西亞提供3000萬到4000萬歐元既資金，以便於蝙蝠軍團响冬季轉會市場用於引援。同時指出，林榮福仲將會幫助蝙蝠軍團償還因為修建新主場而拖下既銀行貸款。薩爾沃並未透露林榮福贊助既具體數字，不過《馬卡報》指佢極有可能將投入4億歐元。
用4億歐元，就為左幫助華倫西亞還貸引援？佢先唔會咁傻。《馬卡報》明確指出，林榮福希望藉注資華倫西亞正式進入足球圈，佢既目標係响未來成為蝙蝠軍團既主席。但薩爾沃已經公開表示要繼續出任主席，未來好長既一段時間內，呢兩個人之間好可能將會上演一場權力爭奪戰。