派路續約取决於普巴去留，若離隊只赴皇馬或英超 精選

有關於派路既未來，一直都係各大豪門球隊關注既焦點，因為雖然派路已經係34歲既老將，但係佢既足球天分依然可以改變比賽既走勢，因此好多既球隊都等待緊機會將派路攬入麾下。而根據最近意大利媒體《慢鏡頭》既報導，宜家既派路未來最為可能既去處有兩個，一個係前往昔日恩師安察洛堤執教既皇馬，另外一個則係前往英格蘭既球會。
《慢鏡頭》稱，事實上宜家既派路自己既意願係繼續留响祖雲達斯​​，因為宜家既派路熱愛都靈呢座城市，中意呢邊既生活。更重要既係派路相信自己係呢到肯定可以獲得歐聯冠軍，係派路既心入面，祖雲達斯獲得歐聯冠軍只係一個時間既問題。但係宜家既派路同祖雲達斯之間既續約依然係未有任何結果，最主要既分歧都係黎自於薪水上。
據悉其實宜家既祖雲達斯反而係唔反對同派路續約，但係祖雲達斯提出既條件係續約兩賽季薪水一共400萬歐元，咁樣既人工對於派路呢種級別既球員黎講實在係有啲低，即管派路即將就要35歲。而反觀西班牙方面，恩師安察洛堤執教既皇馬可以開出年薪300萬歐元。而派路同英超球隊既傳聞已經非常多，有錢既英倫球隊當然可以輕鬆為大師開出300萬歐元既年薪，顯然呢啲條件都比祖雲達斯優厚得多。可能派路真係唔缺錢，只係需要用薪水證明自己既地位，證明自己响隊內唔係一個可有可無既角色。
不過宜家都有對於派路有利既因素，就係普巴既未來依然唔確定。大巴黎宜家睇起黎對於普巴依然未收手，一月份既時候巴黎聖日耳門絕對會繼續對普巴報價，卡塔爾財團控制既球隊早早就話為普巴支付5000萬歐元的轉會費，呢個數字，係祖雲達斯無法拒絕既。另外普巴宜家係祖雲達斯​​既年薪最高只能拎到400萬歐元，而巴黎聖日耳門卻可以為佢開出600萬歐元既年薪，呢啲條件唔可以唔令普巴產生動搖。
所以一旦普巴離開球隊既話，咁祖雲達斯係中場既位置上就唔能少得派路，可以到時候派路就可以佔據一個相對有利既地位同祖雲達斯談判。不過要想成功按照自己既意願黎續約，派路面臨既困難的確唔少，接下來就係艱苦既漫長談判。