英超90後最佳陣容！ 精選

今季，曼聯小將贊奴沙一炮而紅，阿仙奴「死神」藍斯鹹魚翻身，藍軍外租神鋒盧卡古勢不可擋，紅軍新核古天奴穩紮穩打，混跡英超既90後球星逐漸挑起左大樑，係各自球會發揮住至關重要既作用。fanatix網站評選出今季迄今英超最佳90後陣容，曼聯阿仙奴各有兩人上榜。
門將：舒捷斯尼（阿仙奴，1990年4月8日）

波蘭門神今季聯賽保持全勤，今年11月中旬同阿仙奴續約4年。舒捷斯尼係阿仙奴後防線絕對既定海神針，53次撲救列英超第6，力助阿仙奴成為聯賽迄今失球第二少既球隊。全面既技術能力同強大既心理素質令佢迅速躋身世界級門將行列。23歲既佢將會長時間守住阿仙奴城池既安全，佢既光芒蓋過左曼聯新一代門將迪基亞。
右閘：基尼（修咸頓，1991年4月5日）

基尼今季既發揮非常穩健，只可惜12月初遭遇傷病，「聖徒」再缺失呢塊後防重心，近5場比賽2平3負，積分跌落。不過呢位22歲既英格蘭紅星勢必將擁有一個無限光明既未來。
中堅：菲爾鍾斯（曼聯，1992年2月21日）
「表情王」菲爾鍾斯今季逐漸為人所知，佢係目前曼聯陣中最為可靠既防守悍將。當然，佢都經常參與到曼聯既進攻體系當中，頻繁插上製造殺機。擁有出眾既身體同寬闊既視野，傳球準確率都非常高。
中堅：哥爾卡（卡迪夫城，1991年12月29日）

哥爾卡係今夏從熱刺轉投升班馬卡迪夫城，佢既轉會費大約為850萬英鎊，創造左卡迪夫城引援身價既新高。哥爾卡既進攻意識好強，今季已經收穫2球，僅比前鋒費沙甘保少1球。而係防守端，哥爾卡都將191cm既身高優勢充分發揮。左閘：勞基梳爾（修咸頓，1995年7月12日）

年僅18診既勞基梳爾今季聯賽出戰12場，係修咸頓後防極為重要既一枚棋子。佢既足球天賦極高，攻防能力相對均衡，佢被視為艾殊利高爾未來最佳既三獅接班人。今夏勞基梳爾同「聖徒」續約5年，但係英超多間豪門對於佢既追逐並未止步。中場：巴克利（愛華頓，1993年12月5日）

巴克利係目前馬天尼斯手下不可或缺既一員，聯賽出戰13場已奉獻2球。目前有唔少豪門球隊對佢虎視眈眈，但係馬天尼斯表示，即使球會收到一份創紀錄既報價，佢都唔會選擇出售球隊呢位冒起既新星。
中場：藍斯（阿仙奴，1990年12月26日）

呢個可能係藍斯最美妙既一個賽季，聯賽14戰8球5助攻，如此耀眼既數據足以羨煞旁人。此外，作為中場，藍斯既傳球次數（1346次）僅次於耶耶托利（1412次），位列英超次席。而係搶斷榜，「死神」（64次）力壓勞基梳爾（61次）居首。
攻中：古天奴（利物浦，1992年6月12日）
由於傷病，古天奴今季出場機會並唔算多（10場），但係佢都係係聯賽中收穫1球1助攻，並送出25次關鍵傳球。此外，佢同蘇亞雷斯、史杜列治既串聯效果都非常理想。
右翼：贊奴沙（曼聯，1995年2月5日）

贊奴沙既一炮而紅令人有啲估唔到，佢已經被BBC提名為2013年度最佳年輕體育人既候選者。而有關贊奴沙未來係唔係應該代表英格蘭隊上陣，都成為坊間熱議既話題。目前贊奴沙聯賽出場8次，攻入3球並有1次助攻。左翼：夏薩特（車路士，1991年1月7日）

上季，夏薩特以3000萬既價格加盟車路士，令人佩服阿布既膽識，而事實都證明，呢個選擇係啱既。比利時小妖今季狀態出色，聯賽14戰收穫6球3助攻，歐聯賽場都有入波。係藍軍3前鋒無所作為既情況下，夏薩特盡情釋放住自己既攻擊能量。
前鋒：盧卡古（愛華頓，1993年5月13日）

當托利斯、丹巴巴亞同伊度奧攜手造就2013年度聯賽客場無入波既尷尬紀錄果陣，偏執既摩連奴或者心裡暗暗咁後悔外租「小魔獸」，要知道盧卡古目前已經為愛華頓攻入8球，並有2次助攻，而佢既射門次數（43次）都俾藍軍既任何一名球員都要多。