皇馬放迪馬利亞走緊追兩神鋒 精選

日前既《馬卡報》同《阿斯報》上，都出現左迪馬利亞將會係一月加盟摩納哥既消息。區別只係在於價位，《馬卡報》認為皇馬會用3500萬歐元既價碼上放人，而《阿斯報》就稱皇馬既心理價位係3500-4000萬歐元。由呢兩篇報導黎睇，迪馬利亞就走硬嫁啦。一旦迪馬利亞離隊，皇馬除左C朗、巴爾同賓施馬呢組三叉戟外，攻擊線上就只剩番了摩拉達、謝斯呢兩個小將。據《馬卡報》透露，只要賣走迪馬利亞，皇馬就一定會响冬季買前鋒。
皇馬既頭號收購目標，仍然係蘇亞雷斯。蘇亞雷斯今季係利物浦表現極為出色，佢响12次出場打入左17個球，而且仲有一場大四喜。今夏皇馬就曾經求購s7，但係利物浦堅決表態唔放人。紅軍今季甚至有衝冠既希望，利物浦冬季放人既可能性微乎其微。而且皇馬都唔願意為蘇亞雷斯開出天價轉會費，白衣軍團最高報價為4700萬歐元。一億買巴爾4700萬買s7？利物浦先唔會答應！
《馬卡報》指出，如果得唔到蘇亞雷斯既話，皇馬將會响冬季重新追求法卡奧。而法卡奧本人已經唔想繼續呆响摩納哥，佢想係冬季逃離法甲。皇馬今夏曾經追求過法卡奧，但迫於馬體會既立場而無法得到老虎。法卡奧從小就係皇馬球迷，佢本人都非常願意君臨班拿貝，而且佢都係C朗欽點既柏檔對象。不過法卡奧加盟摩納哥時既轉會費為6000萬歐元，皇馬唔大可能係冬季降價打劫。
中堅位置上，拉莫斯已經同巴黎聖日耳門眉來眼去，華拿尼既膝傷係個大麻煩，比比都有過兩次膝蓋重傷史，皇馬明夏仲要引援。據《馬卡報》透露，皇馬高層非常欣賞皇家蘇斯達既西班牙新國腳恩尼高馬天尼斯，佢曾經單賽季兩次中場吊射破門，並因此而一舉成名。不過皇家蘇斯達堅決拒絕出售佢，皇馬如果想要引援，就必須支付3000萬歐元違約金。