好消息！卡斯拿斯很大機會步奧斯爾後塵！ 精選

如今既卡斯拿斯，係皇馬成為左杯賽門將。卡斯拿斯今季內已經兩次暗示，如果咁個狀況無改變既話，佢好可能會係明夏選擇轉會。據《機密報》報導指，卡斯拿斯已經選定左未來東家。如果要轉會既話，卡斯拿斯將首選加盟阿仙奴。
目前追求卡斯拿斯最有誠意既兩支球隊，係阿仙奴同曼城，呢兩支球隊都缺少一名頂級且能保持長期穩定既門將。係呢兩隊球隊之間，卡斯拿斯既選擇係前者。係阿仙奴隊中，奧斯爾如今得到國王般既對待。而係皇馬更衣室入面，奧斯爾就一直同卡斯拿斯、拉莫斯為首既西班牙幫關係非常親近。除左奧斯爾之外，阿仙奴仲有卡蘇拿、蒙利爾等西班牙國腳，卡斯拿斯唔會係更衣室感到孤單。
卡斯拿斯既命運，如今直接取決於安察洛堤。如果下半季安察洛堤俾卡斯拿斯踢聯賽既話，聖卡斯就將留守。但係如果答案係否定既，卡斯拿斯就將會離開班拿貝。《點球點》之前曾經爆料指，卡斯拿斯甚至同佩雷斯達成君子協議。卡斯拿斯如果安安靜靜咁離開皇馬，佩雷斯將會幫助佢係英超尋找新東家。考慮到卡斯拿斯明夏將會年滿33歲，佩雷斯好可能唔會係轉會費上難為佢，咁有利於卡斯拿斯向新球隊索要高薪。