祖雲達斯挖絕殺巴塞之人，師兄或幫忙說服 精選

係歐聯意外俾阿積士擊敗之後，巴塞又係聯賽俾畢爾包絕殺，遭遇兩連敗既馬天奴帥位已經響起警報。如果話輸俾荷蘭球隊係因為出線要保存實力既話，咁作客輸俾畢爾包之後球隊既積分已經俾馬體會同皇馬趕上同縮小。係美斯缺陣既情況下，為巴斯克球隊攻入絕殺既正係有西班牙美斯之稱既蒙尼恩，呢位20歲既小個子前鋒已經俾意甲領頭羊祖雲達斯睇上。
出生於潘普洛納既蒙尼恩因為係畢爾包青訓營受訓，出道之初就被視為托利斯之後又一位西班牙金童，佢至今仍保持住球會最年輕出場球員同西甲最年輕入球球員既紀錄。左腳出色既蒙尼恩能夠勝任兩個邊路，佢既技術同風格同巴塞頭號球星極為類似，因此媒體又將佢稱為西班牙美斯。今季蒙尼恩係14場比賽中貢獻3個入球同2次助攻，為球隊殺入西甲前四立下汗馬功勞。
為留住呢個希望之星畢爾包都為蒙尼恩設定左高額既違約金，3600萬歐元先能夠帶走呢位西班牙金童。蒙尼恩同巴斯克球隊既合同2015年就將到期，佢仲未同球會續約，咁都令唔少球會睇到挖角既希望，咁其中就包括祖雲達斯。斑馬軍團上季已經挖走左畢爾包既頭號前鋒洛蘭迪，如今西班牙中鋒係都靈狀態火熱，干地希望重演多一次帶走蒙尼恩。
干地希望引入一位邊路球員從來唔係秘密，速度同技術都佳既蒙尼恩係個絕佳既人選。《足球市場》稱祖雲達斯依然打算首先說服球員本人，佢地既最大籌碼係洛蘭迪。西班牙中鋒同蒙尼恩曾經係隊友，兩人既關係好好。意大利媒體稱洛蘭迪正係度努力說服蒙尼恩，令昔日小師弟投奔都靈繼續同自己並肩作戰。但係巴斯克球隊素來個性強悍，上一次佢地寧願留洛旛迪合同到期自由轉會，呢次係唔係令祖雲達斯如願仍然係個未知數。