巴塞冬季挖維頓漢，明夏全力追求阿拉巴 精選

係輸俾阿積士果陣，巴塞成個中後場都踢得極為狼狽。佩奧爾同蒙度亞係兩邊攻不成守不就，碧基速度慢既劣勢再次暴露，馬斯查蘭奴就缺少足夠既位置感。據《每日體育報》報導，巴塞高層重新開始考慮起冬季引援，今次巴塞睇上左熱刺既維頓漢。
維頓漢雖然係熱刺既絕對主力，但係被安排係佢唔鍾意既左閘位置上，比利時人踢得好掙扎。而且據英格蘭媒體透露，維頓漢同保阿斯關係好差，佢已經考慮係冬季離開熱刺。維頓漢能夠勝任中堅同防中呢兩個位置，當年克魯夫曾經向巴塞推薦過佢。維頓漢既轉會費被估算為2500萬歐元，而且佢有資格為巴塞踢歐聯淘汰賽。
《每日體育報》仲指出，巴塞有意係明夏挖角拜仁主力左閘阿拉巴。不過除左巴塞之外，阿仙奴同PSG都對阿拉巴虎視眈眈。係左閘位置上，艾巴同阿祖安奴既傷病唔少，而且阿祖安奴仲要經常兼顧踢右路。