購奧斯爾嘗到甜頭！知情人：「雲加再撬賓施馬+華拿尼」 精選

無幾耐之前有好多英國同西班牙媒體相繼透露，阿仙奴主帥雲加有意明年1月嘗試由皇馬引入法國射手賓施馬。如今西班牙媒體《點球點》帶來跟進報導話，雲加想買既皇馬球員絕非賓施馬一人，教授同時仲想將法國年輕後衛華拿尼帶去兵工廠。
FIFA著名經紀人加拿多接受《點球點》採訪時透露左雲加想打包引入賓施馬+華拿尼，加拿多話：「阿仙奴希望响冬季轉會市場通過引援黎提升實力，到時佢地會嘗試收購賓施馬同華拿尼，雲加垂青賓施馬已有多時，近年黎佢仲迷戀上華拿尼。」
賓施馬已係法國隊同埋皇馬搵番最佳狀態，華拿尼更係被佩雷斯、施丹所睇好既皇馬未來骨幹，咁阿仙奴冬窗引入呢兩位法國現役國腳既可能性究竟有幾大？加拿多表示，唔太樂觀：「阿仙奴會嘗試由班拿貝帶走呢兩名皇馬球員，但好明顯既係，就目前情況黎睇，賓施馬唔會係出年1月離隊，至於華拿尼，講真，雲加簽下佢既可能性都唔算大，皇馬絕對唔會同意放走華拿尼。」
阿仙奴冬窗想引入賓施馬同埋華拿尼都被加拿多睇唔好，姐係話以後都會無可能？可能唔係，因為就係今年夏天，當轉會窗口開啟之後，當初邊個都唔會諗到阿仙奴能將歐洲助攻王奧斯爾由班拿貝挖至酋長球場，但呢單轉會最終仲係响夏窗關閉前夕宣告完成。