皇馬加入競爭巴洛迪利，或將逼走新魯爾 精選

「這就是盡頭」上星期日訓練遲到之後，巴洛迪利响Twitter上寫低一句咁既話，被解讀為佢決定離開AC米蘭。之前意大利媒體曾透露，車路士希望得到巴洛迪利，以解決前鋒無力既狀況。不過據《世界體育報》最新報導話，皇馬都加入左巴神既爭奪戰中。
中鋒位置上，皇馬的確缺少足夠​既人才儲備。賓施馬近期狀態唔錯，但佢係皇馬唯一既頂級中鋒。C朗同巴爾都更適合出現响邊鋒，謝斯同摩拉達都仲係太年輕，安察洛堤並唔敢重用佢地。即使巴洛迪利將無辦法代表皇馬參加歐聯淘汰賽，但係白衣軍團仍然期待係冬季得到巴神。
一旦巴神加盟，被視為新魯爾既摩拉達就好可能要離開。係中鋒排行榜上，摩拉達目前甚至落後於謝斯，佢只係安察洛堤心中既第三人選。據《點球點》透露，摩拉達好可能會係冬季被租比熱刺，皇馬已經同熱刺達成左口頭上既意向協議。熱刺今季攻擊力極差，頭12輪英超聯賽之後，熱刺一共只打入9球。入球榜上，熱刺排係英超倒數第三位，只有新特蘭（8球）同水晶宮（7球）入球更少。