曼城一月求購比高域，願借祖赫特給對方半季 精選

雖然係上場聯賽以6:0大勝熱刺，但係《鏡報》披露，曼城仍然未解決自己既門將問題。據悉，宜家曼城已經將引援目標定左係史篤城門神比高域身上，希望係1月花巨資將佢引入。
英格蘭國門祖赫特已經係過去幾場比賽中俾柏歷堅尼棄用，但係《鏡報》指出，柏歷堅尼仍然對曼城既二號門神彭特利蒙唔放心，為此，曼城一直無停止過尋找新門將既行動，而過去幾個賽季係史篤城表現出色既比高域已經成為曼城引援既頭號目標。
其實，係文仙尼執教曼城果陣，比高域就曾經係文仙尼既收購目標之一，當時祖赫特都曾經因為表現低迷而曾經被文仙尼批評過。值得一提既係，26歲既比高域仲有歐聯參賽資格，呢個係曼城其他引入目標好似卡斯拿斯、域陀華迪斯所唔具備既優勢。
當然，史篤城唔會輕易答應放走佢地既頭號門將，但係曼城已經決定出一大筆錢，而且仲會同意將祖赫特租借俾對方半個賽季以填補空缺，加上仲會承擔祖赫特11萬週薪入面既大部分，換言之，史篤城既可以解決自己既門將問題，又可以收穫一大筆轉會費。而對於祖赫特黎講，能夠留係英超繼續保持狀態都係佢唔會拒絕既，畢竟當年佢就係被租借到伯明翰一年先打響名頭，如今留係英超可以令佢繼續保持狀態黎準備出年既世界杯，都能夠令佢既曼城生涯尚存一線生機。