驚曝PSG與馬達達成協議，最快冬季轉投法甲 精選

冬季轉會窗臨近，大部分球隊致力於小修小補，巴黎聖日耳門就有可能完成大單交易。據包括《第10體育》，《米蘭體育報》同beIN SPORT等主流媒體披露，法國球會已經同馬達達成加盟協議，雙方有望係1月份走埋一齊。
馬達2011年夏天加盟車路士，迅速成為球隊核心，但係隨住摩連奴重返史單福橋，西班牙國腳既命運都發生轉折。葡萄牙人以球員特點同球隊戰術不符為理由，將馬達打入冷宮，賽季接近過左一半，前華倫西亞攻擊手出場時間唔夠500分鐘，淪為邊緣人。
唔少球迷為馬達叫屈，球員本人睇黎就好平靜：「我唔係果種輕易放棄既人，我對自己有信心，訓練時加倍賣力，呢個就係我既行事風格，盡可能展示出自己積極既一面。我係車路士效力兩年多時間，非常享受呢到既生活，我清楚自己能夠為球隊帶黎咩，所以賽場內外都會盡全力。」馬達一方面講野俾摩帥聽，同時試圖澄清頻繁出現既轉會緋聞。
但係世界杯在即，以佢現階段處境，馬達好難鞏固自己係國家隊既位置，因此從現實角度考慮，離開車路士先係理想出路。PSG睇準西班牙國腳既境遇，繼今年夏天後，再次接近呢位攻擊手。《第10體育》同《米蘭體育報》等多間主流媒體披露轟動消息，巴黎近1個多月黎持續接觸馬達，眼下雙方已經就加盟一事達成協議，不過具體細節仲未清楚。
摩連奴雖然唔重用馬達，但係幾次強調唔願意賽季中途放佢走人，最多只係接受租借方案。PSG就準備發起強攻，為西班牙人開價4200萬歐元，法國球會大把錢，唔排除進一步提價既可能。若果馬達真係同PSG達成協議，再加上高額報價，摩帥既態度有可能轉變，話哂藍軍主帥都需要資金強化陣容。金元足球時代，唔存在所謂既非賣品，馬達最早有望明年1月份轉投法甲賽場，向世界杯參賽資格發起衝擊。