英媒分析三大優勢助車路士擊敗皇馬簽下法卡奧 精選

鋒線無力既問題一直係度困擾氛摩連奴，漸多既白髮直接咁反應左狂人目前既壓力。根據英媒《每日快報》既消息，摩連奴已經決意係冬季轉會期內同皇馬爭奪呢位哥倫比亞鋒霸，《快報》認為車路士笑到最後既可能性好大，因為藍軍坐擁三大優勢。
人生無法完美，但係我地可以令佢盡可能接近完美。摩連奴係一個追求完美既人，想當初，狂人係首次執教車路士果陣橫掃英超、指點江山係何等既氣定神閒？而如今，第二次執教車路士既狂人已經無左當初既霸氣，咁並唔係摩連奴因為年歲已大無左當年既朝氣，而係因為呢隊車路士既實力同當年果隊鐵血藍軍相差太多。
而眼下既呢隊車路士同當年果隊無所畏懼既鐵血之師最大既差距就係少左一個強力型既中鋒，杜奧巴離開後，藍軍球迷一直都係度希望有人能夠頂替魔獸既位置，但係一直未能如願。現役三大前鋒托利斯、伊度奧、丹巴巴亞都唔能夠達到杜奧巴巔峰時期既水準，而哥倫比亞鋒霸就係藍軍夢寐以求既目標，呢點已經得到左摩連奴既暗示。之前，摩連奴為左考察法卡奧既表現仲特意去睇左哥倫比亞同比利時既比賽。
法國方面既消息顯示車路士高層已經決意係冬季求購法卡奧，而佢地目前最大既對手就係西甲豪門皇家馬德里。皇馬核心C朗已經要求主席佩雷斯係冬季簽下法卡奧，C朗認為自己係皇馬無得到太多既支援，賓施馬無辦法滿足佢既要求。不過，車路士並唔驚財大氣粗既皇馬，媒體都​​分析指出車路士有三大優勢，呢三大優勢可以幫助佢地達成所願。
優勢係咩？黎睇下英媒點詳解。優勢一：摩納哥老闆雖然有錢，但係佢地下季唔想再觸犯歐足聯既公平競賽原則，佢地願意將法卡奧送走，以達到收支平衡既目的。優勢二：藍軍老闆阿布同摩納哥老闆雷波諾列夫既關係非常好，二人既​​私交可以令呢筆轉會最終被敲定。優勢三：法卡奧同摩連奴既經紀人係同一個人，經紀人係球員轉會既過程中往往扮演住非常重要既角色，摩連奴完全可以要求自己既經紀人勸法卡奧叛逃摩納哥。
車路士急於係冬季購買法卡奧仲有一個原因，摩納哥今季並無歐洲賽事，亦姐係法卡奧如果冬季加盟車路士可以代表球隊參加歐聯賽事。