文仙尼冬季挖車路士隊長，將與杜奧巴再聚？ 精選

據《每日郵報》消息，加拉塔沙雷主帥文仙尼希望係冬季對泰利發起攻勢，不過考慮到泰利目前响摩連奴麾下既穩固地位，呢一單轉會傳聞反可能成為泰利同車路士續約既籌碼。
泰利同車路士既合約將係明年夏天到期，由於球隊同30歲以上球員既續約一般唔會超過1年，加拉塔沙雷方面希望用一份長約誘使泰利加盟，週薪方面完全能夠滿足，老隊友杜奧巴都可以令泰利盡快適應土超既環境。同英超激烈既前四爭奪唔同，加拉塔沙雷基本確保左下季既歐聯資格，兩隊主要競爭對手比錫達斯同費倫巴治都要接受歐足聯既禁賽處罰。
文仙尼將泰利視為補強防線既頭號目標，球會方面都承諾給予足夠既財力支持，不過根據土超既規定，每場聯賽最多只能有6名外援出場，文仙尼需要响引援問題上作出慎重決策，據悉加拉塔沙雷高層仲未對呢筆潛在既交易給予明確答復，泰利─史奈達─杜奧巴呢條中軸線能否係未來成形仲係一個問號。
《每日郵報》分析指出，以泰利今季既隊內地位，其他球隊既收購傳聞只會加重佢同車路士續約既籌碼。從前11輪聯賽睇，摩連奴係冬季放走泰利既可能性幾乎為零，係隊內打滿全部990分鐘比賽既4名球員中，泰利就係其中之一，即使係計各項賽事，泰利既出場時間都只係少於施治、伊雲奴域同拉美利斯。考慮到大衛雷斯呢個不穩定因素，車路士中衛位置上絕不能冇泰利坐鎮。上個月對史浩克04既賽前新聞發怖會上，泰利都對摩連奴表示忠心：「我能夠獲得宜家既成就必須感謝摩連奴，好高興我可以再一次同佢一齊工作。當我聽講佢要回歸球隊既時候，我真係好激動。上季我有一啲傷病，我需要帶住健康既身體狀態重新番去球隊。我提前一星期開始左呢個賽季既準備工作，我必須確認自己既能力。我希望由第一天開始就比摩連奴留下好印象，我好高興自己做到。」上年9月，泰利因為同安東費迪南之間既恩怨而宣佈退出國家隊，有趣既係，如果佢真係去土超效力，就又有同安東費迪南碰面既機會，對方目前正效力於安塔利亞。