皇馬準備2800萬收購蘇歷加，冬季賣干查奧讓出位置 精選

今年夏季轉會期，拿玻里連續由皇馬買入艾比奧爾、卡利祖以及希古恩，兩間球會既交易有望响冬季得以延續。據意大利媒體《Mediaset》透露，皇馬已經就收購哥倫比亞國腳蘇歷加，同拿玻里進行接洽，極有可能响冬季轉會期出價2800萬歐元將佢買入，同時將干查奧甩賣。
《Mediaset》轉載西班牙媒體既消息指，拿玻里主席、總經理、蘇歷加既經紀人以及兩名黎自皇馬既代表進行會晤，三方談判既焦點係哥倫比亞飛翼蘇歷加既轉會，銀河戰艦準備出價2800萬歐元，最早係冬季轉會期將蘇歷加羅致麾下。雖然由於膝傷，蘇歷加要等到12月下旬先可以復出，但係咁樣一啲都冇降低皇馬引入佢既興趣。
為左蘇歷加騰出位置，皇馬將今夏就差啲離隊既葡萄牙人干查奧甩賣，响安察洛堤麾下，呢位佢既表現機會唔多，今季至今僅响西甲及歐聯兩條戰線出場4次，貢獻1次助攻。皇馬希望能夠用佢換番1500萬歐元左右既轉會資金，最有可能接納佢既球隊同樣來自意甲，就係費倫天拿。
《Mediaset》認為，皇馬目前面臨既最大難題係說服拿玻里主席，話哂都要防備頂級豪門挖角，拿玻里岩岩同蘇歷加續約到2017年，同埋响合同中設定左3500萬歐元違約金，但係從拿維斯同卡雲尼既範例可以睇得出，拿玻里並唔會強留離隊願望強烈既球員，況且2800萬歐元既轉會費用都足夠拿玻里係冬季轉會期為蘇歷加搵到合適既替代人選。能夠勝任左右兩翼既蘇歷加助攻能力極強，且防守較為穩健，佢既加盟將令皇馬既邊衛位置得到加強，今年夏季轉會期，有意得到蘇歷加既豪門包括祖雲達斯同巴塞，但拿玻里都一一擋駕，銀河戰艦若能夠利用同拿玻里絕佳既「貿易關係」買入哥倫比亞名將，都算係冬窗有唔錯既收穫。